Kano – Rundunar ‘yan sanda ta jihar Kano ta fitar da gargaɗi mai ƙarfi ga matasa dangane da lalata dukiyar gwamnati da kadarorin jama’a.

Bidiyon Lalata Hoton Tinubu Ya Ƙara Hankali

Wani bidiyo da ya karade kafafen sada zumunta ya nuna wasu matasa suna rugujewa wani allo mai ɗauke da hoton kamfen na shugaban kasa Bola Tinubu.

Sanarwar Rundunar ‘Yan Sanda

ASP Hussaini Abdullahi ya ce: “Ba za a amince da irin wannan laifi ba, domin ya sabawa doka kuma yana tayar da hankalin jama’a.”

Matakin CP Ibrahim Bakori

Kwamishinan ‘yan sanda na jihar Kano, CP Bakori, ya bukaci matasa da su nisanci lalata dukiya ko tayar da fitina. Ya ce rundunar zata tabbatar da bin doka da oda.

2027: Tinubu da Shettima

Mai magana da yawun shugaban kasa, Bayo Onanuga, ya musanta rade-radin sabani tsakaninsu, yana mai cewa lokaci ne kaɗai zai bayyana wanda zai tsaya takara tare da shugaban.