A makarantar firamare ta Koguna da ke karamar hukumar Makoda a jihar Kano, fiye da dalibai 1,300 na zuwa makaranta kowace rana ba tare da samun damammiyar hanyar yin fitsari ko bahaya ba, sakamakon rashin bandakin da ke aiki a makarantar. Wannan matsala ta janyo șalubale da dama ga lafiyar yara, sha’awar karatu, da mutuncinsu.

Ko da yake an yi wasu gyare-gyare na ginin makarantar a baya-bayan nan, har yanzu ba a samar da wani ingantaccen bandaki da yara ke iya amfani da shi ba. Bandakin da ke akwai na malamai bakwai kawai ne, kuma su kadai ke amfani da shi, yayin da yara ke barin aji domin bușe-bușe a bayan makaranta ko daji.

Illar Rashin Bandaki

Rashin samun bandaki mai amfani ya sanya dalibai suna yawan barin makaranta a tsaka-tsakin karatu, suna tafiya gida ko zuwa dazuka domin yin bukatunsu. Wannan abu yana fuskantar su da barazanar sare-sare, cizon macizai, fyade, da kuma kamuwa da cututtuka irin su cholera, typhoid, ciwon ciki, da polio.

Majalisar Dinkin Duniya (UNICEF) ta bayyana cewa fiye da yara 200,000 a Najeriya na rasa rayukansu duk shekara sakamakon cututtukan da ke da alaka da rashin tsafta da bușe-bușe a fili.

Binciken kungiyar ‘Kano State WASH Media Network’ ya gano cewa duk da cewa an gyara makarantar ta fuskar gine-gine, babu ko bandaki daya da dalibai ke amfani da shi. Wannan ya kara nuna cewa abubuwan da ke shafar lafiya da jin dadin yara ba a mayar da hankali kansu ba a ayyukan cigaban makarantu.

Matsalolin a Asibiti da Gida

Wata ziyara da aka kai cibiyar kiwon lafiya ta Mokoda Model PHC ta kara tona asirin matsalar tsafta a yankin. An gano cewa ba su da ruwan famfo saboda karancin wutar lantarki, inda suka rasa wuta tsawon shekaru shida. Duk da cewa suna da solar inverter, batirin ba ya da karfin da zai ishe su tafiyar da famfon ruwa.

Asibitin na da bandakai 19 – 10 na marasa lafiya da 9 na ma’aikata, amma saboda rashin ruwa, ba su da amfani. Wannan na haifar da bușe-bușe a cikin harabar asibiti, yana kara haddasa cututtuka da șazanta muhalli ga marasa lafiya da ma’aikata.

Haka nan a cikin al’umma, ana ci gaba da yin bușe-bușe a fili. Hansanatu Usaini, wata gwauruwa a Koguna, ta bayyana cewa saboda rashin kudi, ta kasa gyara bandakin da ya rushe, inda yara ke yin bahaya a fili ba tare da sanin illar hakan ba.

Matakin Gwamnati da Kwararru

Shugaban sashen WASH a Makoda LGA, Shittu Yahaya, ya bayyana cewa rashin motocin hawa na hana isar da wayar da kai a kauyuka. Amma ya ce a shekarar 2024, sun gyara boreholes 140 daga cikin 313 da ke yankin.

Kwararriyar WASH, Theola Monday, ta bayyana cewa magance wannan matsala ta tsafta da ruwa na bukatar hadin gwiwar gwamnati, sarakunan gargajiya, malamai, da iyaye. Ta ce rashin wadataccen ruwa da bandaki a makarantu ba kawai matsalar ci gaba ba ce, illa ce ga ‘yancin dan Adam da lafiyar yara.

Ta bukaci gwamnati ta dauki mataki cikin gaggawa domin ganin kowanne yaro yana karatu a muhallin da ya dace da mutunci, lafiya, da tsafta. Hakan zai taimaka wajen cimma manufar ODF (Open Defecation Free) da Najeriya ke son kaiwa kafin shekarar 2030.